Pas dy vitesh të gjata në luftën për jetën, Mereme Aliu, nga Novosela e Vlorës, nënë e shtatë fëmijëve dhe gjyshe e pesë nipave e mbesave, është operuar nga një tumor në tru, në pavionin e Neurokirurgjisë në QSUT.

Keryeministri Edi Rama iu referua sot këtij rasti, që dëshmon një tjetër ndërhyrje të suksesshme të mjekëve shqiptarë.

“Pas ndërhyrjes së vështirë e të suksesshme, 60-vjeçarja është gati të kthehet në shtëpinë e saj, pa asnjë rrezik më për jetën dhe asnjë cënim të funksioneve të organizmit”, tha Rama, duke shprehur respektin për bluzat e bardha.