Njëzet banka europiane po punojnë për krijimin e një sistemi paneuropian pagesash, që mund të funksionojë në Europë pa Visa, Mastercard dhe gjigantët e huaj të teknologjisë, njoftuan burimet përkatëse.

“Projekti është në diskutim e sipër mes këtyre bankave, që përfaqësojnë një pjesë të mirë të Europës”, deklaroi gjatë një konference, Carlo Bovero, përgjegjësi botëror për kartat i BNP Paribas.

Kjo iniciativë bankare, e quajtur Iniciativa e Sistemit Paneuropian të Pagesave (PEPSI), synon të menaxhojë të gjitha format e pamaterializuara të pagesave./ atsh