Frutat e thata janë një dashuri më vete e më të cilat nuk gjen kurrë ngopje.
Studimet e ndryshme kanë treguar se mënyra më e mirë për të marrë 100% vlerat e tyre ushqyese është duke i futur paraprakisht për 8 orë në një enë me ujë të ftohtë. Sipas nutricionistëve njomja e arrave apo frutave të tjera si bajamet dhe lajthitë për një periudhë të gjatë kohore aktivizon të gjitha vlerat ushqyese, të cilat në gjendje normale janë të bllokuara.
Arrat kanë në përmbajtjen e tyre acide yndyore Omega-3 dhe yndyra të ngopura që ju ndihmojnë të bini nga pesha. Ngrënia e 5 arrave në ditë shmang kapsllëkun (konstipacionin), lufton sindromën metabolike, ju ndihmon të tresni më mirë ushqimet dhe ju jep ndjesinë e ngopjes për të paktën 2-3 orë. Është provuar shkencërisht se kur arrat qëndrojnë në ujë për 8 orë, ato lëshojnë një enzimë të quajtur lipasi që lehtëson shkrirjen e dhjamit.