Këshilli Bashkiak i Fierit ka shprehur sot solidaritet me të dëmtuarit nga tërmeti i 26 nëntorit, duke dhuruar 51 paga të anëtarëve të këshillit.

Në mbledhjen jashtë radhe Këshilli Bashkiak i Fierit, ka vendosur që pagën e muajit nëntor ta dhurojë në ndihmë të familjeve të dëmtuara nga tërmeti i 26 nëntorit.

Këshilli bashkiak ka 51 anëtarë me pagesë mujore 11900 lekë.

Bashkitë në të gjitha qarqet janë solidarizuar me të dëmtuarit nga tërmeti duke dërguar shtabe emergjence, ndihma materiale dhe ushqimore, por rasti i Këshillit Bashkiak të Fierit hap siparin e një solidariteti zyrtar të shpallur me vendim nga vetë Këshilli Bashkiak, Fier

Tërmeti i 26 nëntorit ishte një nga tre tërmetet më të fuqishme të shekullit që solli humbjen e 51 jetëve dhe shkatërrimin e qindra shtëpive.