Të paktën 71 persona kanë humbur jetën dhe dhjetëra të tjerë janë lënduar në Pakistanin veri lindor pasi një seri orteqesh shkatërruan shumë shtëpi.

Ata u shkaktuan nga reshjet e shumta të borës së rënë në kashmirin e administruar nga Pakistani. Dhjetëra shtëpi u mbuluan nga bora, me pjesën më të madhe të të vrarëve dhe lënduarve që gjendeshin brenda tyre kur orteqet ranë.

Përveç 71 viktimave, 53 persona të tjerë janë lënduar si pasojë e zyrtarëve. Numri i viktimave ndërkohë mund të rritet për shkak të frikës së akoma edhe shumë njerëz mund të jenë të bllokuar nën borë. Orteqet vijnë në një nga dimrat më të ashpër në 20 vitet e fundit në Pakistan. Rrugët janë bllokuar në shumë pjesë të vendit, komunikimi është ndërprerë e po ashtu edhe energjia elektrike.

Në provincën jugperëndimore të Balocistanit ndërkohë, 16 vetë humbën jetën për shkak të shiut dhe borës. Reshjet e borës janë normale për këtë kohë të vitit në Pakistan, por falë ndryshimeve të klimës, këtë vit intensiteti i të ftohtit ka qenë shumë më i lartë krahasuar me vitet e mëparshme.

 

Top Channel