Portali hungarez “index.hu”, ka publikuar një artikull retrospektivë mbi martesën e Mbretit Zog me konteshën hungareze Geraldine Apponyi, me titullin “Shkëlqim amerikan, dashuri shqiptaro-hungareze nga 1938-a”.

Ambasada e Shqipërisë në Hungari thekson se në artikull nënvizohet se, martesa mes mbretit shqiptar Zog dhe konteshës Geraldine Apponyi ishte sensacioni i viteve përpara Luftës së II-të Botërore.

Kërkimi i aleatëve politikë të dy vendeve të vogla u kurorëzua me një dashuri që zgjati më pas edhe në mërgim. Arkivi historik Fortepan zbulon pjesë nga martesa mbretërore nga fotografi i panjohur zyrtarisht më parë: fotoreporteri i periodikes hungareze të kohës “Színházi Élet” (shqip: “Jeta Teatrore”).

Periodikja ka dërguar ekskluzivisht në Tiranë fotoreporterin Henrik László, që të ndjekë zhvillimet me këtë rast. Kurse publikimi është kryer më pas në dy materiale të veçanta të revistës në pranverë 1938 nga gazetari Böske Guthy.

Artikulli gjendet në linkun e mëposhtëm: https://index.hu/fortepan/2019/01/06/amerikai_glamour_alban-magyar_l_amour_1938-bol/?fbclid=IwAR1vPYHP_uNSyjrFjo83OmQilS-1LL_eXg1v5G8DcCVQEutYS0GA-We9Ujg

/atsh