Presidenti i Shqipërisë Ilir Meta ka marrë pjesë në ceremoninë solemne të 140 vjetorit të Lidhjes së Prizrenit.

Duke folur në ceremoninë e organizuar me këtë rast, Presidenti Ilir Meta u shpreh se kjo lidhje u krijua në një situatë të vështirë për Kombin Shqiptar pasi fqinjët kërkonin që të aneksonin territoret tona.

‘Kjo është një ngjarje lapidare në historinë e Kombit tonë.

Kjo lidhje ishte vazhdimi i Lidhjes së Lezhës e bërë nga Gjergj-Kastrioti Skëndërbeu shekuj me parë.

Që në fillim të saj, Lidhja Shqiptare e Prizrenit u përball me sfida të jashtëzakonshme të brendshme dhe ndërkombëtare. Në rrafshin e brendshëm Lidhja u përball me vështirësi për bashkimin e 4 Pashallëqeve, krijimin e ushtrisë dhe ndërmarrjen e një aksioni ushtarak.