Kryeministri Edi Rama ka vendosur që pasi PD nxori dokumentet italiane që tregonin se Valdrin Pjetri, kandidati i PS për bashkinë e Shkodrës më 30 qershor ishte i dënuar dhe i dëbuar nga Italia, të ndajë rrugët me Valdrin Pjetrin, deri në momentin që të dalë e vërteta ligjore sipas shefit të qeverisë.

Në tre postime në Twitter, Rama thekson se “përgjegjësia për çdo akt individual të padenjë është individuale. Përgjegjësia jonë është si reagojmë ndaj një akti të padenjë individual!”

“E me këtë rast,të tërë ta fusin mirë në kokë:Unë s’kam ndërmend të toleroj askënd dhe as të marr përsipër raportin individual me ligjin të askujt!”, thekson shefi i qeverisë.

REAGIMI I PLOTE I EDI RAMES

Jo Valdrini,po vëllai im të jetë,s’ka shans të hedhë asnjë hije dyshimi mbi PS dhe mbi mua,në raport me ligjin e me besnikërinë ndaj popullit! Përgjegjësia për çdo akt individual të padenjë është individuale.Përgjegjësia jonë është si reagojmë ndaj një akti të padenjë individual!

I edukuar,i zoti,i respektuar familjarisht në Shkodër e kudo ka punuar,po kjo s’mjafton më!Kurrë s’kam menduar se Valdrini mund të fshehë të vërtetën në raport me ligjin,po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht.

E me këtë rast,të tërë ta fusin mirë në kokë:Unë s’kam ndërmend të toleroj askënd dhe as të marr përsipër raportin individual me ligjin të askujt!Shkoj në luftë për çdo ide,qëllim a shok armësh,po kosto veprimesh individuale të dyshuara si ky,as marr më,as lejoj më t’i marrë PS

PD publikoi dokumentet e dënimit në Itali, reagon Valdrin Pjetri: Pres me padurim vendimin e …

Pak pasi PD publikoi dokumentet e karteles elektronike e të dhënave kriminale te nxjerrë nga sistemi elektronik i kuesturës së Firences, reagon Valdrin Pjetri.

PD theksoi sot se nga ato dokumente, rezulton se Valdrin Luigj Pjetri, lindur në Shqipëri, është arrestuar në flagrancë me shtetasin Altin Doda në 27 janar 2003 në Firence.

Me nje shenim ne faqen e tij ne FB, ai shkruan se e verteta eshte ajo qe ka deklaruar para kandidimit.

“Pres me padurim vendimin e përfundimit të procesit të verifikimit të figurës nga ana e autoriteve zyrtare shqiptare dhe italiane”- thote ai.

Reagimi i Valdrin Pjetrit 

Unë të vërtetën time e deklarova para kandidimit si dhe para pak ditësh me dokumenta zyrtare.
E vetmja e vërtetë është ajo që del nga zyrat e agjensive të zbatimit të ligjit dhe jo nga foltoret e PD.
Pres me padurim vendimin e përfundimit të procesit të verifikimit të figurës nga ana e autoriteve zyrtare shqiptare dhe italiane.